Qendra Rinore Atë Lorenc Mazreku

Qendra rinore është themeluar në vitin 2001 ndërsa është regjistruar pranë institucioneve kompetente të UNMIK-ut më 08 Prill 2002.

Pranë vetes grumbullon të rinjë të moshave të ndryshme pa dallime dhe mundohet që atyre t’ju krijoj kushte sa më të mira për të zhvilluar aktivitete rinore.

Aktualisht ka të regjistruar 1078 anëtarë një pjesë e të cilëve janë vullnetarë të qendres rinore.

Qendra rinore është themeluar me ndihmën e donatorit Caritas Veneziana (Caritasi Venedikut) nga Italia. Ata edhe sot vazhdojnë të përkrahin qendren rinore me disa projekte  kryesisht projekte të cilat krijon gjenerim të mjeteve për të mundur të vetekzistoj qendra rinore në të ardhmen.

Qendra rinore drejtohet nga bordi drejtues prej 9 anëtarëve të cilët angazhohen për administratë dhe koordinim të sektorëve.

Sektorët aktiv të qendres rinore janë: Qendra për këshillim për të rinj - YAC, sporti, qendra e animacionit për fëmijë, arti dhe muzika, edukimi, klubi i QR dhe grupe tjera rinore YMCA , Boys&Girls, Rina Marjane, What’s Up.

Gjatë viteve të kaluara kemi realizuar shumë projekte kryesisht në edukim dhe trajnim, sport dhe argëtim, shkëmbime rinore dhe kulturore, fushata dhe anketa, takime dhe tryeza pune dhe të gjitha këto aktivitete janë realizuar gjithmonë në bashkpunim me OJQ tjera rinore vendore dhe ndërkombëtare dhe me institucione të ndryshme lokale dhe qendrore.

Aktualisht qendra rinore ka 75 vullnetarë të gatshëm për tu angazhuar në aktivitetet e qendres rinore si dhe një staff informal prej 24 personash të cilat kanë detyra të caktuara pranë qendres rinore.